ДУ РОҲЗАН ДАСТУ ПОВУ ДАҲОНИ СОКИНИ ҲИСОРРО БО СКОТЧ БАСТА, БА ҶИПИ “ПРАДО” БОРАШ КАРДААНД

Опубликовано: 26 Август 2024
на канале: Bomdod TV

7,744

ОШКОР ШУДАНИ ҲОЛАТИ ТАМАЪҶӮӢ
Ба ШВКД дар шаҳри Ҳисор аризаи марди 33-солаи сокини шаҳри мазкур ворид гардидааст, ки 19-уми августи соли 2024, тахминан соати 11:00, шахсони номаълум бо мақсади тамаъҷӯӣ дар ҳудуди шаҳри Ҳисор ӯро бо роҳи зӯроварӣ ва таҳдиди корд дастгир намуда, дастону пойҳо ва даҳонашро бо скоч баста, ӯро ба автомашинаи шахсиаш тамғаи “Тойота-Прадо” маҷбуран шинонида, ба ҷойи беодам бурда тахминан то соати 20:00 лату кӯб намуда, аз ҷайбаш 80 сомониро тасарруф намуда, бо таҳдиди куштан аз ӯ талаб кардаанд, ки ба онҳо 50 ҳазор сомонӣ диҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки ҷинояти мазкурро марди 28-солаи сокини шаҳри Ҳисор бо маслиҳати пешакӣ бо рафиқаш ҷавони 23-солаи сокини ноҳияи Ёвон содир намудаанд.
Аз рӯи ҳодисаи мазкур тафтишот идома дорад.
СОДИР ГАРДИДАНИ ҲОДИСАИ РОҲЗАНӢ
Ба ШВКД дар шаҳри Кӯлоб бо ариза марди 29-солаи сокини шаҳри мазкур муроҷиат намудааст, ки 20-уми августи соли 2024, тахминан соати 15:30-дақиқа, ҳангоми дар шаҳри Кӯлоб қарор доштанаш, як шахси ба ӯ ношинос бо корд ӯро таҳдид намуда, аз дасташ 1-адад телефони мобилии тамғаи “Самсунг А-32” ва 3 ҳазору 600 сомониро тасарруф намуда, аз ҷойи ҳодиса ғайб задааст. Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки ҷинояти мазкурро марди 30-солаи сокини ҳамин шаҳр содир намудааст.Нисбати гумонбаршаванда парвандаи ҷиноятӣ бо қисми 1 моддаи 249 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.