Жолдошбек Зарлыкбеков
* *
Угаар сөзүм сенден шул беле?
Жарбагыр ай, жанды кейитип,
жолугуу бар ушул дүйнөдө,
«Жолукпайбыз! – дейсиң, – эми түк».
Карааныңды көрбөй кайыккам,
түшүмдө элең түгөл уктасам.
Кездешүү көп ушул жарыкта,
«Кезикпейбиз! – дейсиң, – эч качан».
Алы жетпес атың атоого,
качандыр бир агаңды оюңа ал.
Жарбагыр ай, жалкы жашоодо
сага дагы сүйүү жолугаар…
Жолдошбек Зарлыкбеков
