HG: Güýçli ýagyn paýtagtyň we welaýatlaryň ýaşaýjylaryna zyýan ýetirdi

Опубликовано: 01 Январь 1970
на канале: Azatlyk Radiosy

4,226

Şu günki programmamyzda:

Geçen hepde Türkmenistanyň dürli künjeklerinde paýtagtda we welaýatlarda güýçli ýagyn ýagdy. Balkan, Ahal, Mary welaýatlarynda ýagyşyň netijeleri ilatyň durmuşyna negatiw täsir ýetirdi, oňaýsyzlyk döretdi.

Lebap welaýatynyň Türkmenabat şäherinde suw üpjünçiliginiň kesilmegi barada 22-nji oktýabrda Azatlyk Radiosynda çykan habardan takmynan 36 sagat soňra, şäheriň suw üpjünçiligi doly dikeldildi. Hojalyk hyzmatlarynyň üpjünçiligi bilen bagly bökdençlikleri ýygy-ýygydan başdan geçirýän şäher ýaşaýjylary suw meselesiniň gutarnykly çözgüdine garaşýarlar.

Türkmenistanda soňky ýyllarda täze keselhanalaryň birnäçesi gurlup, ulanyşa berildi. Olaryň biri Türkmenbaşynyň köpugurly keselhanasy. Azatlygyň habarçysy we çeşmeleri bu kaşaň hassahananyň binasynyň iki ýylda sandan çykandygy habar berýärler.

Häkimiýet başyndaky “Gürjüstan arzuwy” partiýasy bilen arazyny bozan Salome Zurabişwili, Gürjüstanyň Günbatara tarapdar prezidenti 26-njy oktýabrda geçirilen parlament saýlawlarynyň netijelerini ykrar etmejekdigini aýtdy we bu ýurduň, hamala, “Russiýanyň ýörite operasiýasynyň pidasy bolandygyny” öňe sürdi.

Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar