HG: Administratiw temmi alan raýatlar, esgerler pagta ýygymyna mejbury çekilýär

Опубликовано: 01 Январь 1970
на канале: Azatlyk Radiosy

4,219

Şu günki programmamyzda:

Aglaba köpçüligi musulman ilatly Türkmenistanda ýene-de yslama uýýan dinçilere basyş güýçlendi. Şu günler köçä hijaply çykan zenanlar saklanyp, polisiýa alnyp gidilýär.

Mary welaýatynda administratiw taýdan tussag edilen adamlar, şeýle-de çagyryş boýunça harby gullukçylar pagta ýygmaga mejbur edilýärler. Bu aralykda, býujet işgärlerinden pagta möwsümi bilen baglylykda pul serişdeleri ýygnalyp alynýar.

Aşgabatda günebakar ýagynyň arzan bahadan söwdasy ýola goýuldy. Tutuş ýurt boýunça ösümlik ýagynyň gytalmagynyň we gymmatlamagynyň fondunda paýtagtda birden arzan ýagyň satuwda peýda bolmagy welaýat ýaşaýjylarynyň ýag satyn almak üçin paýtagta köpçülikleýin gatnamagyna sebäp boldy. Bu barada Azatlygyň habarçylary 1-nji noýabrda habar berdiler.

Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar