HG: Türkmenabatda jaý tölegi ýokarlandyryldy
Şu günki programmamyzda:
Gurluşygy dowam edýän Aşgabat – Türkmenabat awtomagistralynyň Mary – Türkmenabat böleginiň gurluşygy haýal barýar. Azatlyk Radiosynyň çeşmeleri bu ýagdaýa işçileriň aýlyklarynyň wagtynda berilmezliginiň hem-de gurluşyk tehnikalaryna zerur bolan awtoulag ýangyjynyň ýetmezçiliginiň sebäp bolýandygyny aýdýarlar.
Türkmenistanda mekdep okuwçylarynyň arasynda sarygetirme, gyzamyk keselleri ýüze çykdy. Balkan welaýatynda keselçilik zerarly mekdebe gatnaýan çagalaryň sany esli azaldy. Azatlygyň habarçysy we çeşmeleri günbatar welaýatyndaky ýagdaý barada 30-njy oktýabrda maglumat berdiler.
Oppozisiýanyň we Zurabişwiliniň düzgün bozulmalary barada bildiren aýyplamalary sebäpli, Gürjüstanyň prokurorlary 26-njy oktýabrda geçirilen saýlawlarda dolandyryjy "Gürjüstan arzuwy" partiýasynyň ýeňiş gazanandygyny aýdýan saýlawlarynda bolup biljek galplaşdyrmalary derňemäge başlap, prezident Salome Zurabişwilini görkezme bermäge çagyrdy.
Türkmenabatda kommunal jaýlarynda, ýagny döwletiň eýeçiligindäki öýerde ýaşaýan raýatlaryň öý tölegleri 25% gymmatlady. Mundan närazy bolan raýatlara jaýlaryny hususylaşdyrmak barada häkimiýetler tarapyndan teklip edilýär.
Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar
