Протодиакон Дамиан Малыхин - Евангелие, Мк. 37 зач. - Недели Крестопоклонной
Евангелие от Марка, зачало 37.
Рече́ Госпо́дь: и́же хо́щет по Мне ити́, да отве́ржется себé, и во́змет крест свой, и по Мне гряде́т. И́же бо а́ще хо́щет ду́шу свою́ спасти́, погуби́т ю, а и́же погуби́т ду́шу свою́ Менé ра́ди и Eва́нгелия, той спасе́т ю. Ка́я бо по́льза челове́ку, а́ще приобря́щет мир весь, и отщети́т ду́шу свою́? Или́ что даст челове́к изме́ну на души́ свое́й? И́же бо а́ще постыди́тся Менé и Мои́х слове́с в ро́де сем прелюбоде́йнем и гре́шнем, и Сын Челове́ческий постыди́тся eго́, eгда́ прии́дет во сла́ве Oтца́ Своего́ со а́нгелы святы́ми. И глаго́лаше им: ами́нь глаго́лю вам, я́ко суть не́цыи от зде стоя́щих, и́же не и́мут вкуси́ти сме́рти, до́ндеже ви́дят Ца́рствие Бо́жие прише́дшее в си́ле.
