Суннийлар ва шиалар ўртасида танглик

Опубликовано: 04 Январь 2016
на канале: BBC News Uzbek

26,162

Сунний ва шиага ажралиш Ислом тарихидаги энг йирик бўлинишдир.

Бу икки мазҳаб асрлардан бери мавжуд. Назария, урф-одатлар, қонунлар ва диний ташкилотлар ажратса-да, Исломнинг энг асосий тамойиллари уларни бирлаштиради.

Ҳаж ва умра зиёрати ҳар икки томон адо этадиган амаллардан ҳисобланади

Дунёдаги 1.5 миллиарддан ортиқ мусулмоннинг аксари, ҳисоб-китобларга кўра, 85-90 фоизи суннийлардир.

Миср, Иордания ва Саудия Арабистони аҳолисининг 90% ёки ундан кўпи сунний ҳисобланади.

Мусулмонларнинг 10% га яқинини эса, шиалар ташкил қилади. Дунё бўйлаб уларнинг сони 154 - 200 миллион ўртасида экани айтилади.

Шиалар асосан Эрон, Ироқ, Баҳрайн, Озарбайжон каби давлатларда кўпчилик бўлиб яшайдилар.

Афғонистон, Ҳиндистон, Қувайт, Ливан, Покистон, Қатар, Сурия, Туркия, Саудия Арабистони ва Бирлашган Араб Амирлигида ҳам шиаларнинг каттагина жамоалари бор.

Шиа мазҳабининг келиб чиқишига сиёсий ихтилофлар сабаб бўлган. Аммо, шиалик қачон пайдо бўлгани ҳақида уламолар ўртасида ихтилоф бор.

Би-би-си Ўзбек хизматининг видеоларини www.bbcuzbek.com да ҳам кўришингиз мумкин.